Mañá domingo 5 de outubro hai de novo concentración pola paz en Ribadeo. Por desgraza, non hai motivo para non facela, nin aínda tras a aceptación parcial do plan ‘de paz de Trump’ por Hamas (dende a aceptación, van máis de corenta asasinados por Israel en Gaza). Queda a convocatoria en baixo (hai a posibilidade de asistir á concentración de Santiago), e, máis abaixo, da concentración en Ribadeo (xoves 2 de outubro, con asistencia dunhas 400 persoas) polo ataque israelí á flotilla Sumud, fotos -de Iván Rodríguez Lombardero e Matilde González– e o manifesto correspondente, que foi lido por Maica Nistal, e o texto escrito e lido por Jesús Irigoyen, para rematar con fotos miñas da manifestación de Bilbao e de Elvira Posada do uso das praias pola paz.
