Este fin de semana en Carballo levouse a cabo o Atlantic Games Conference onde, por primeira vez, fumos con stand propio. Dímonos a coñecer na comunidade de desenvolvedores indie da rexión e fora de esta (coñecimos estudos e asociacións fora da nación), e achegouse xente moi gratamente sorprendida pola nosa presencia. Resolvimos dúbidas de quen somos e o que esperamos conseguir (podedes ver a información no apartado de quen somos) e ata a nosa presidenta foi entrevistada por unha canle de youtube.
Este ano ademáis, a xente podía conseguir un selo nos diferentes postos da feria para participar nun sorteo, así que a xente non só veu preguntar sobre nós, senón que tivo que xogar creacións feitas en Godot como Catiuskas, As Herbas de San Xoán ou A todas as rocas que me sosteñen.
Por outra parte, estivemos moi ben acompañades polos stands de Demo Game Jam e FemDevs, que levaron xogos de jams e das súas socias, respectivamente. Foi un espacio de sinerxía e compañeirismo entre as asociacións que ahí estabamos. Tamén compartimos información da Coordinadora Sindical do Videoxogo da CGT (CSVI), quen non tivo stand propio nesta edición.
Pasamos os dous días ofrecendo información e xogos, pero tamén tivemos ocasión de asistir a faladoiros e obradoiros que ofertaba a organización, así como tamén participamos no sorteo, xogando os xogos que se expoñían. Á noite do sábado, tamén houbo festa no mercado con música DJ. Así que nesta edición quenes fumos o pasamos incluso mellor que na anterior Atlantic Games Conference.
Nesta ocasión, non temos claro cal será o noso próximo evento a participar, xa que temos que descansar un anaco de tantas emocións, pero seguide o blog para non perderos nada, porque aquí seguiremos 😛
Para finalizar, damos gracias á organización do Atlantic Games Conference e ao Concello de Carballo por todo o traballo e dedicación, que inclúe o deixar que levemos á casa a loneta publicitaria do posto.
Temos dúas novas que contarvos. A primeira é que oficialmente somos un “user group” que aparece no directorio de grupos locais na páxina da Godot Foundation. Aceptaron a nosa proposta e no mapa que comparten estamos pineados como comunidade local e física en Galicia. É un recoñecemento pequeno, pero moi satisfactorio e sube a moral, para qué mentir.
A segunda nova é que estaremos na Atlantic Games Conference cun stand propio como asociación. A verdade é que é información que xa adelantamos en redes e no artículo previo, pero nunca está de máis adicarlle unha entrada propia no blog, por se pasa desapercibido.
Na Atlantic Games Conference podedes preguntar sobre o motor Godot, sobre a nosa actividade como asociación e disfrutar da selección de xogos feitos en Galicia e en España.
Levarase a cabo os días 10 e 11 de abril no Fórum de Carballo, Praza dos Bombeiros Voluntarios, Carballo, A Coruña. Na páxina de https://www.atlanticgamesconference.com/es/ encontraredes máis información e cómo chegar. A entrada é gratuita, pero o aforo é limitado (especialmente nos faladoiros).
O pasado 28 de marzo de 2026 tivemos a primeira Xuntanza Godoteira do ano na cidade da Coruña. Foi unha xornada caracterizada pola claridade da primavera e o poder estar nun espazo con boa luz natural. O local da Revolteira é unha auténtica pasada.
Temos que decir que en xeral, as asociacións e espazos autoxestionados están axudándonos moitísimo na nosa labor divulgativa e, gracias a iso, podemos realizar as nosas actividades presenciais. Nesta ocasión, estamos tremendamente agradecides con A Revolteira, que nos fixo sentir como na nosa casa e ademáis, ofrécense para que fagamos máis cousas con eles (viva!).
Empezamos a xuntanza explicando o actual estado da Asociación Godoteires. Polo momento estamos a enfrontarnos cunha barreira burocrática para darnos de alta como asociación, mais esperamos poñer todo en orden pronto. Queda pendente o de ter unha conta bancaria, polo momento o Tesoreiro farase cargo das doazóns físicas (gracias polas vosas aportacións!) e como solución temporal, unha das socias pode declarar por nós o diñeiro.
A continuación, Isi Cano presentounos os traballos dos seus alumnos (dos máis novos e nivel universidade) empregando os videoxogos (Dialogic en Godot e o xogo Electroplankton para a música)como vehículo creativo e tamén sanador. Unha mirada interesante da necesidade de xogar e crear, de sacar esa vergonza que levamos dentro e expoñernos ao mundo, especialmente os adultos, quenes temos moitas reticencias para debuxar, crear e xogar. Ter unha presentación a modo de achegamento ao motor Godot como ferramenta liberadora e creativa, é un auténtico luxo. Moitas gracias Isi!
Antes da hora de comer, Nekerafa contounos a súa experiencia facendo xogos para retroconsolas e qué versións de Godot teñen compatibilidade con elas e resolvendo dúvidas ao respecto (limitacións, plantillas de exportación, cómo cargar os xogos nas consolas…). Temos peticións en diversas redes para saber máis ao respecto, porque poder ter os nosos xogos en consolas como a PSP Vita a verdade é que é un verdadeiro puntazo. Ademáis, enlaza directamente co seguinte obradoiro.
Despois de comer Paladina tivo a ocasión de facer o seu obradoiro de xogos clicker, no que a xente puido facer o seu propio xogo. Para iso, explicou cómo facelo empregando únicamente os nodos Button e Timer. Sairon cosas bastante curiosas ao respecto, xa que Nekerafa exportou o seu exercicio para a PSP Vita, así que tedes aquí o proxecto subido ao noso Codeberg (gracias por compartilo!).
Vimos tamén o Showreel 2025. Para quen non o coñeza, o Showreel é unha iniciativa da Godot Foundation para mostrar anualmente os proxectos (xogos ou software) desarrollado co motor. Parámonos a comentar o xogo Dogwalk, que lle permitiu a Blender Studio entender mellor como integrar en Godot as creacións feitas en Blender.
Rematando a xuntanza, José fixo un análisis da xestión de nivéis, gráficos e cámaras dun RPG que está a crear para plataformas móviles. Explicando as dificultades do uso de tiles hexagonais e a necesidade dunha visión modular para poder engadir con facilidade novos niveis e mundos. Unha lección maxistral de deseño e planificación de desarrollo de xogos RPG.
Por último, gustaríanos destacar que en todo momento estivo dispoñible ordenadores para xogar na Zona de xogos, así que se nalgún momento tedes algún xogo a mostrar, podedes contar connosco para dalo a coñecer.
Erros e acertos
Sen dúbida, A Coruña é unha cidade con movemento e interese nos videoxogos e en Godot. Ata 22 persoas participaron no noso evento e decidiron pasalo tempo connosco, así que podemos dicir que foi un éxito. Estamos satisfeites co resultado e con moitas ganas do próximo evento (vémonos no Atlantic Games Conference!).
Algo que sí se falou entre diversos membros da Asociación é o complicado que resulta enfocar as nosas Xuntanzas, xa que houbo tanto charlas técnicas, obradoiros de iniciación como charlas máis xeráis. Así que toca pensar en cómo encaixar os eventos para achegarnos mellor á xente godoteira que hai en Galicia. Por outra parte, tamén nos chegou o comentario de que é pouco dinámica a xuntanza, xa que se centra moito nos faladoiros. Veremos qué facer ao respecto 🙂
Faladoiros grabados
Nesta ocasión e gracias a José podemos disfrutar dos faladoiros e obradoiro grabados:
Creo que con isto xa os podedes facer unha idea das cousas que estamos a facer na asociación. Por último, lembrade que estaremos na Atlantic Games Conference cun stand propio onde mostraremos xogos varios e podemos orientarvos no desarrollo de xogos en Godot.
Boas noites godoteires. Queda menos para a primeira xuntanza do ano. Como xa sabedes será o 28 de marzo no local da A Revolteira, en A Coruña. Ás 12h comezará o evento coa reunión ordinaria da asociación (podedes estar presentes e preguntar calqueira asunto relacionado coa aso!)
Dende ás 13h, estará xa montada a mostra de xogos con ordenadores e equipos que traeremos para que podades xogar e disfrutar. Estará dispoñible ata ás 18:20h, xa que trala proxección do Showreel (anuncios de xogos seleccionados pola Godot Fundation) recollemos todo, aínda que o evento remate ás 20h.
Xa se confirmaron dúas actividades: o obradoiro onde se fará un clicker! (traede un ordenador) e o faladoiro Aventura con hexágonos.
Fai o teu primeiro xogo clicker (por Maestra Paladín, ás 16h)
Aprende a facer un sinxelo xogo clicker. Precisarás empregar nodos de button (botón) e timers (temporizadores) para facer unha experiencia adictiva. Ademáis explicarase os mecanismos de recompensa no cerebro humano para sacarlle partido. Finaliza o obradoiro dando ideas e exemplos de cómo aplicar os conceptos un paso máis alá. A xente tamén poderá probar os xogos dos participantes.
Aventuras con hexágonos (por Jose, ás 17h)
Análise da arquitectura de un xogo de aventuras por turnos con movemento en hexágonos. Técnicas para crear niveis de xogo interconectados de xeito sinxelo. Como adaptar partes do GridMap de Godot. Divagación sobre a utilidade de restriccións para desenvolver un xogo.
Queres coñecer á comunidade Galega de Godot? Esta é unha boa oportunidade para iso. Xuntámonos por primeira vez en 2026 na cidade da A Coruña gracias a A Revolteira, que nos permite empregar as súas instalacións.
Celébrase o sábado 28 de marzo de 2026 na Rúa da Falperra, 13 a partir das 11:00h. Evento gratuito ata completar aforo.
Polo momento temos aberto un formulario para propor charlas e relatorios:
Aproveita esta oportunidade para coñecer xente da zona interesada en facer os seus proxectos en Godot ou presenta os teus xogos nun espazo con alma colaborativa.
Os días 6 e 7 de decembro levouse a cabo o evento Marín Gaming, de tono familiar e que contou cun espacio indie con desenvolvedores galegos. Levamos dous equipos (monitor + minipcs) para ensinar xogos feitos en Godot, pero ao final, triunfaron dous: Gatiños Igualiños e ¿Me querrías si fuese un gusanito? Despois de todo, o público principal foron nenos. Tiñamos outro repertorio, pero por preferir, prefiriron esos xogos (e mira que se intentou que lle interesasen outros!).
Así que o xogo do verme nos acompañou os dous días como un fantasma vingativo. Pasaba xentiña polo stand preguntando polo dichoso xogo «¿Puedo jugar al juego del Gusanito?». E non votaban unha partida, non, resultáballes a cousa máis adictiva do mundo. E ademáis tivemos inventiva para sacarlle proveito ao xogo, a pesar do castigo que implica dous días de atender nenos sen supervisión paterna.
Gracias á organización do evento (Lua Gaming) pudimos regalar unha camiseta cada día. Dimos a primeira delas o sábado pola tarde, cando un grupo de rapaces se picaron co xogo do «gusanito» que aproveitamos para improvisar unha competición con premio (o gañador acadou os 62 cm de altura, por se queredes intentar superalo). O domingo, en cambio, o reto era superar os 70 cm de altura, só acadado ata entón por Rafa, o seu programadoriñe. A cousa durou un suspiro, porque un entusiasta puso tódalas neuronas a funcionar e consiguiu superalo en cuestión de minutos.
Como o público era, en maioría, nenos, estivemos pensando no reto que supón as novas xeracións xogar con teclado e ratón, xa que vimos en directo o que lle costaba a algún situar correctamente os dedos, e iso que os controis dos xogos eran sinxelos. Así que estivemos a pensar do necesario que é para próximos eventos levar mandos ou botoneras como as de arcade, para poñerlles facilidades. Ademáis, coas manazas que meteron nos teclados e no rato, houbo ocasións nos que se saían sen querer do xogo e pulsaban o que non debían. Así que o uso de controis poden ser unha forma de ter máis control sobre o que poden toquetear ou non os nenos e adolescentes nos nosos equipos.
Tamén houbo nenos máis pequenos que xogaron cos seus pais e que non eran capaces nin de facer apenas click no xogo de Gatiños Igualiños, que posiblemente era o único xogo que puideron xogar no evento e que era adecuado para a súa idade. No fondo síntese satisfacción poder ofrecer aos máis meniños xogos e que puidesen xogas cos seus papás. Sairon moi contentos do noso stand. Así que para un futuro haberá que buscar máis xogos que precisen como moito un botón ou teñan compoñente táctil.
Por otra parte, tamén viuse necesario ter xogos descargados e non executados dende navegador: non todos os eventos teñen porqué ter liña wifi.
Erros e acertos
O punto forte da actividad que ofertamos era que dimos de pleno no público do evento. Tiñamos xogos para todas as persoas que viñeron xunto a nós. Temos deberes para mellorar ao respecto, para seguir acercando Godot aos nenos (como o de levar mandos e iso), pero por outra parte, temos plena conciencia de que aquel público non estaba interesado en absoluto na creación independiente de xogos e menos aún en Godot… creo que debemos pensar de qué forma podemos comunicar esa información a xente nova e non tan nova que se sentaba connosco a xogar.
Por último, queremos comentar que a organización tratounos estupendamente e agradecemos que contasen con nós. Creo que é un evento moi ben montado e teñen espazo tanto xogos máis actuais como xogos clásicos (houbo máquinas arcade e retroconsolas) cousa que se agradece moitísimo.
O pasado 29 de novembro de 2025 levouse a cabo a Juntança Godoteira 2025 como anunciaramos anteriormente neste blog. O día non acompañou e a choiva lastrou a participación do evento, reducíndose a una cita íntima. Afortunadamente, as persoas que asistiron tiñan nocións dabondo en Godot para poder seguir os faladoiros e obradoiros propostos. Con respecto os horarios oficiáis, sumouse un obradoiro do noso tesoreiro Martín Coego, quen nos ensinou a facer un laberinto procedural.
A xornada comezou coa xunta firmado os Estatutos e a Acta Fundacional da Asociación Godoteires (xa era hora!). A continuación, a nosa presidenta Mariola Juncal inauguró a xuntanza con «Unha breve presentación de Godot a través dos seus xogos» e a reproducción do Godot Showreel 2024 (ollo que xa está dispoñible en youtube o de este ano!).
Logo realizouse o obradorio de «O FMV nunca morrerá, como importar videos a Godot sen morrer no intento» por Carlos Cortés, onde se estivo traballando con ffmpeg para a compresión de vídeos para empregar nos nosos proxectos e completando a información dispoñible na documentación do motor gráfico.
Trala comida desenvolveuse o resto de obradoiros. Como o de «Interfaces de usuario en Godot» por José Manuel Ventoso, quen compartiu un proxecto dun obradoiro pasado para mostrarnos sobre él cómo elaborar interfaces. O resultado desde obradoiro pode consultarse aquí, así que tedes a vosa disposición o proxecto completo.
Martín Coego fixo a charla de carácter máis técnico, programando un exemplo de laberinto como o que fixera para o seu xogo As herbas de San Xoan. Foi interesante ver paso a paso a súa construcción, problemáticas e resolución dos problemas máis comúns. A realidade e que o código resultante é sinxelo e efectivo, e o tedes dispoñible tamén para que o podades implementar nos vosos xogos.
Rematou a xornada coa charla «Facendo un xoguiño (mal) sen morrer (espero) no intento» de Rafa Alcalde, quen nos explicou en qué consiste o seu traballo de fin de Máster: un afundir á flota en Godot con sistema multixogador. Os progresos acadados ata o momento prometen que o xogo non pasará desapercibido, máis o mellor non é poñer sobre a súa espalda ningunha presión, o tempo para rematalo e entregalo é limitado! Desexámoslle dende Godoteires a mellor das sortes e que lle poñan unha boa nota.
Cabe destacar, por último, que en todo momento e duración do evento estaba dispoñible varios equipos para xogar diferentes proxectos feitos en Godot.
Erros e acertos
Debemos lamentar a baixa participación no evento, porque o evento coincidía ademáis co Culturgal (Feria de Industrias Culturales de Galicia). Así que non só a chuvia non foi o único obstáculo para encher o local. No obstante, tomamos nota de seguir promocionando os nosos eventos e intentar chegar ao público potencial empregando as ferramentas que temos ao noso alcance (fediverso e código aberto en xeral). En certo modo, estamos a renunciar a un inmenso público ao non empregar redes comerciales, pero o noso compromiso con ferramentas de código libre está por riba de iso.
Como acerto, ademáis do increíble cartel e horarios con actividades interesantes, foi o local. A Gentalha do Pichel ten un sitio privilexiado, un auténtico fogar para a cultura do país e agradecemos infinitamente que nos deixaran pasar e que abriran as portas a Godot e a Godoteires.
Nos próximos días se publicará en este espazo información do Marín Gaming, unha cita que tampouco nos perdemos (e a última cita do ano desta modesta asociación).
Tivemos o pracer de poder vernos e desvirtualizarnos no Píxel á Feira gracias ao encontro que fixemos alí, e polo cal se acercaron persoas interesadas en coñecernos, pero claro, o noso prato forte é este: a Juntança Godoteira deste 29 de novembro na Gentalha do Pichel en Santiago de Compostela.
Para participar nos obradoiros, por favor, traede os vosos equipos.
Horarios:
11:00 – Apertura e presentación de proxectos feitos en Godot
12:00 – Charla «Unha breve presentación de Godot a través dos seus xogos» por Maestra Paladin
13:00 – Obradoiro «O FMV nunca morrerá, como importar videos a Godot sen morrer no intento» por Carlos Cortés – ccglp
14:00 – Comida
16:00 – Obradoiro « Interfaces de usuario en Godot» por José Manuel Ventoso – jsmtux
18:00 – Charla «Facendo un xoguiño (mal) sen morrer (espero) no intento» Rafa Alcalde – NEKERAFA
Aquí tedes o enlace para ir ao evento en Mobilizón para inscribirte (non é obligatorio, pero agradécese).
