Blog

Este pasado finde estivemos na Lérez Up cun stand propio e participando no Pasaporte Indie* co xogo Miña Leira!, que tamén era a nosa proposta nominable a mellor xogo indie do evento.

A calor foi a verdadeira protagonista do evento, afortunadamente a xente da organización encargouse de manternos ben hidratades para soportar as xornadas de traballo (moitísimas gracias!).

Volvendo ao tema do Pasaporte Indie, Nekerafa recibiu moitísimo feedback para poñer a punto o seu xogo (e do que podedes leer o seu postmortem aquí). Do máis destacable, por curioso, é que os xogadores tiveron a oportunidade de opinar do xogo nun formulario e hai tanto valoracións positivas polo pausado que é, como hai quen esperaba algo máis de acción. Para pensar.

Además, levamos o noso tradicional pase de xogos para que a xente puidese probar diferentes creacións tanto da comunidade galega como xogos de xente amiga nosa. Débese destacar o xogo Orcanize & Destroy do compi Daenvil, que namorou os corazóns dos visitantes (e dos máis novos tamén).

O sábado pola tarde a nosa presidenta participou nunha mesa redonda que si ben facíase para explicar o día a día de ser un estudo indie, deixou marxe para que falara tanto da creación como afición (compartindo a visión da asociación) como da súa labor persoal na prensa independiente do videoxogo.

Se tivéramos algo que destacar para mal (ademáis da calor), é o de ir cunha proposta tan cerrada, posto que somos unha asociación que divulga de algo tan aberto como un motor para crear videoxogos e non tanto un estudio tratando de promocionar a súa obra. De todas formas, houbo xente que se achegou a preguntar por Godot e con interese en estar en contacto para ser parte da comunidade (hurra!).

Por último, por uns segundiños saíu o noso posto na TVG. E a coña é que no programa Tarde Piaches onde falaron da Lérez Up propuxeron un xogo de cavala leira, que é en parte do que trata Miña Leira! Igualmente tomamos nota de tratar nun futuro esa temática de manera aún máis explícita.

*O Pasaporte Indie es unha proposta que, a cambio de obligar á xente a xogar todo o exposto da sección indie, participan nun sorteo de merchandising deses xogos.

Este fin de semana en Carballo levouse a cabo o Atlantic Games Conference onde, por primeira vez, fumos con stand propio. Dímonos a coñecer na comunidade de desenvolvedores indie da rexión e fora de esta (coñecimos estudos e asociacións fora da nación), e achegouse xente moi gratamente sorprendida pola nosa presencia. Resolvimos dúbidas de quen somos e o que esperamos conseguir (podedes ver a información no apartado de quen somos) e ata a nosa presidenta foi entrevistada por unha canle de youtube.

Este ano ademáis, a xente podía conseguir un selo nos diferentes postos da feria para participar nun sorteo, así que a xente non só veu preguntar sobre nós, senón que tivo que xogar creacións feitas en Godot como Catiuskas, As Herbas de San Xoán ou A todas as rocas que me sosteñen.

Por outra parte, estivemos moi ben acompañades polos stands de Demo Game Jam e FemDevs, que levaron xogos de jams e das súas socias, respectivamente. Foi un espacio de sinerxía e compañeirismo entre as asociacións que ahí estabamos. Tamén compartimos información da Coordinadora Sindical do Videoxogo da CGT (CSVI), quen non tivo stand propio nesta edición.

Pasamos os dous días ofrecendo información e xogos, pero tamén tivemos ocasión de asistir a faladoiros e obradoiros que ofertaba a organización, así como tamén participamos no sorteo, xogando os xogos que se expoñían. Á noite do sábado, tamén houbo festa no mercado con música DJ. Así que nesta edición quenes fumos o pasamos incluso mellor que na anterior Atlantic Games Conference.

Nesta ocasión, non temos claro cal será o noso próximo evento a participar, xa que temos que descansar un anaco de tantas emocións, pero seguide o blog para non perderos nada, porque aquí seguiremos 😛

Tamén estamos en Mastodon! Conta de mastodon: https://amarinha.gal/@godoteires

Para finalizar, damos gracias á organización do Atlantic Games Conference e ao Concello de Carballo por todo o traballo e dedicación, que inclúe o deixar que levemos á casa a loneta publicitaria do posto.

O pasado 28 de marzo de 2026 tivemos a primeira Xuntanza Godoteira do ano na cidade da Coruña. Foi unha xornada caracterizada pola claridade da primavera e o poder estar nun espazo con boa luz natural. O local da Revolteira é unha auténtica pasada.

Temos que decir que en xeral, as asociacións e espazos autoxestionados están axudándonos moitísimo na nosa labor divulgativa e, gracias a iso, podemos realizar as nosas actividades presenciais. Nesta ocasión, estamos tremendamente agradecides con A Revolteira, que nos fixo sentir como na nosa casa e ademáis, ofrécense para que fagamos máis cousas con eles (viva!).

Empezamos a xuntanza explicando o actual estado da Asociación Godoteires. Polo momento estamos a enfrontarnos cunha barreira burocrática para darnos de alta como asociación, mais esperamos poñer todo en orden pronto. Queda pendente o de ter unha conta bancaria, polo momento o Tesoreiro farase cargo das doazóns físicas (gracias polas vosas aportacións!) e como solución temporal, unha das socias pode declarar por nós o diñeiro.

A continuación, Isi Cano presentounos os traballos dos seus alumnos (dos máis novos e nivel universidade) empregando os videoxogos (Dialogic en Godot e o xogo Electroplankton para a música)como vehículo creativo e tamén sanador. Unha mirada interesante da necesidade de xogar e crear, de sacar esa vergonza que levamos dentro e expoñernos ao mundo, especialmente os adultos, quenes temos moitas reticencias para debuxar, crear e xogar. Ter unha presentación a modo de achegamento ao motor Godot como ferramenta liberadora e creativa, é un auténtico luxo. Moitas gracias Isi!

Compartimos algúns dos xogos das súas alumnas:

• La bestia, de petit.petit
• LA DESMEMORIA, de pitonisa.marisa
• Ishiramen, de pvalerop

Antes da hora de comer, Nekerafa contounos a súa experiencia facendo xogos para retroconsolas e qué versións de Godot teñen compatibilidade con elas e resolvendo dúvidas ao respecto (limitacións, plantillas de exportación, cómo cargar os xogos nas consolas…). Temos peticións en diversas redes para saber máis ao respecto, porque poder ter os nosos xogos en consolas como a PSP Vita a verdade é que é un verdadeiro puntazo. Ademáis, enlaza directamente co seguinte obradoiro.

Despois de comer Paladina tivo a ocasión de facer o seu obradoiro de xogos clicker, no que a xente puido facer o seu propio xogo. Para iso, explicou cómo facelo empregando únicamente os nodos Button e Timer. Sairon cosas bastante curiosas ao respecto, xa que Nekerafa exportou o seu exercicio para a PSP Vita, así que tedes aquí o proxecto subido ao noso Codeberg (gracias por compartilo!).

Vimos tamén o Showreel 2025. Para quen non o coñeza, o Showreel é unha iniciativa da Godot Foundation para mostrar anualmente os proxectos (xogos ou software) desarrollado co motor. Parámonos a comentar o xogo Dogwalk, que lle permitiu a Blender Studio entender mellor como integrar en Godot as creacións feitas en Blender.

Rematando a xuntanza, José fixo un análisis da xestión de nivéis, gráficos e cámaras dun RPG que está a crear para plataformas móviles. Explicando as dificultades do uso de tiles hexagonais e a necesidade dunha visión modular para poder engadir con facilidade novos niveis e mundos. Unha lección maxistral de deseño e planificación de desarrollo de xogos RPG.

Por último, gustaríanos destacar que en todo momento estivo dispoñible ordenadores para xogar na Zona de xogos, así que se nalgún momento tedes algún xogo a mostrar, podedes contar connosco para dalo a coñecer.

Erros e acertos

Sen dúbida, A Coruña é unha cidade con movemento e interese nos videoxogos e en Godot. Ata 22 persoas participaron no noso evento e decidiron pasalo tempo connosco, así que podemos dicir que foi un éxito. Estamos satisfeites co resultado e con moitas ganas do próximo evento (vémonos no Atlantic Games Conference!).

Algo que sí se falou entre diversos membros da Asociación é o complicado que resulta enfocar as nosas Xuntanzas, xa que houbo tanto charlas técnicas, obradoiros de iniciación como charlas máis xeráis. Así que toca pensar en cómo encaixar os eventos para achegarnos mellor á xente godoteira que hai en Galicia. Por outra parte, tamén nos chegou o comentario de que é pouco dinámica a xuntanza, xa que se centra moito nos faladoiros. Veremos qué facer ao respecto 🙂

Faladoiros grabados

Nesta ocasión e gracias a José podemos disfrutar dos faladoiros e obradoiro grabados:

• Dialogic en entornos educativos: cómo acercarse a Godot sin tener ni idea de programar
• Retroscene 101: Revivindo consolas antigas con Godot
• Fai o teu primeiro xogo clicker
• Aventuras con hexágonos

Creo que con isto xa os podedes facer unha idea das cousas que estamos a facer na asociación. Por último, lembrade que estaremos na Atlantic Games Conference cun stand propio onde mostraremos xogos varios e podemos orientarvos no desarrollo de xogos en Godot.