Esta semana hai un estourido de actividade en Ribadeo. Ó estilo das fogueiras que se acenden históricamente xusto no momento álxido para axudar a que o Sol non perda forza e navegue cara ó inverno, en Ribadeo decretouse unha semana, esta, entre ACISA e Concello, con actividades para manter as visitas, incluíndo comercio na rúa, degustacións, rocódromo ou ‘tobogán acuático xigante’. As fotos dan mostra do que é esto último.
Fágome eco aquí de que non se sabe nada sobre a seguridade do invento (ten seguro de accidentes? Houbo algún estudo de seguridade?) pero tampouco doutras facetas do tema. Por exemplo, ó facer as fotos escoitei como unha veciña se queixaba de que ía protestar, que non podía sacar cousas da casa. A auga xa estaba conectada aínda que a alfombra que serve de fonto non estaba totalmente despregada, e como pode verse nas fotos, o tramo de rúa estaba cortado, o acceso á biblioteca ten que facerse ‘máis ben’ por abaixo, dende o porto, etc.
A propaganda institucional correspondente pode verse aquí, a programación concreta da parte ‘multiaventura’, aquí, o anuncio do día da bicicleta, aquí, e o apartado de degustacións e semellantes, aquí.
Esta semana serve asemade de ponte entre veraneo e festeo patronal, pois este venres é tamén o pregón das festas, a cargo de José Rodil Veiga.
