Coa herdanza de Francisco Moreda Pérez estanse a dar situacións curiosas. A cousa comezou hai pouco, a pesar de que Moreda tivo o seu pasamento xa hai máis de dous anos, no 2019. E é que a primeira curiosidade é que se tardara tanto tempo en avaliar os bens e o seu monto. Se alguén recibe unha herdanza, ten seis meses para tributar, pero parece que neste caso as cousas son diferentes.
Despois de saberse o monto e as propiedades, viu unha escaramuza polo seu control. A cousa suscitou unha moción para que se constituíse unha comisión de seguimento. Queda en baixo a acta do pleno:
É dicir, a modicón non seguiu adiante, e non hai comisión de seguimento.
E, nestas, o concello quere desfacerse do piso legado para convertilo en cartos para invertir. O método, subasta, habitual. Pero no xornal sae que se poderá ver durante a próxima semana. Cousa certa: poderase ver un día, a unha hora… a próxima semana. ‘Poderao ver quen queira’… se ten xa feitos os papeis e condicións para a licitación. Deixo a nota de prensa, primeiro, e o ‘anuncio visita’ que aparece na sede electrónica, despois:
EMPRESAS E PERSOAS INTERESADAS NA COMPRA DEBEN ANOTARSE
Visita colectiva
20/05/2021
O Concello organiza unha visita colectiva ao
piso da rúa Reinante, que fora propiedade de Francisco Moreda e que se
pretende allear. Será o 28 de maio ás dez da mañá.
Aquelas persoas interesadas en licitar deberá poñerse en contacto, a
través do correo electrónico de contratación do Concello non máis tarde
do día anterior ao determinado para a visita. E deberán aportar os
seguintes datos: nº e título do expediente obxecto de visita, data en
que se efectúa a solicitude, razón social da empresa ou nome do
interesado, dirección de correo electrónico, nº de teléfono ou de fax,
nome da persoa de contacto na empresa e nº de persoas da empresa que
acudirán á visita, xunto cos seus datos persoais e fotocopia do DNI.
Toda esta información atópase colgada no perfil do contratante do Concello de Ribadeo.
A
visita realizarase ao segundo andar do inmoble nº20 da rúa Reinante e
ao 50% do faiado dese edificio. A contía económica resultante da venda
deses bens destinarase á reforma do Hospital Asilo, tal e como indicou
Francisco Moreda ao deixarlle a súa herdanza ao Concello ribadense.
É de esperar que pola situación e estado aparente, non quede deserta a subasta, como ten ocurrido noutros caso de subastas do concello, como varias veces en relación ó edificio en ruina da rúa Bispo Veres.