O nome de repair café sóache? Ben, é un nome importado. Pode que o de ‘espazo de reparación colectiva’ sexa unha denominación en galego máis precisa que a orixinal para algo que máis ca un taller de reparación é unha festa da reparación, con contacto con outra xente ou aprendizaxe. De calquera xeito, con motivo do día da reparación (‘repair day’), o sábado 17, na Biblioteca Maravillhas (escola de Arroxo, Vilanova de Lourenzá) esperámoste se tes algo que reparar, queres axudar a facelo, tes ferramentas que non son comúns e poideran ser necesarias… ou sinxelamente tes curiosidade. Alí estaremos, de amarinha.gal, co apoio de Enxeñería sen Fronteiras ou o teu propio apoio!
