Achégase o 25 de abril día da revolución portuguesa que se viu inmortalizada polo ‘Grândola’ que se canta ó remate das concentracións pola paz en Ribadeo. Ó tempo, é anunciado un alto ó fogo no que non hai confianza (Israel segue atacando, Trump ten amosado non ser de confianza, a xente segue morrendo en Gaza), pero é unha especie de cravo ardente ó que hai que acollerse no Oriente Medio. E na Ucraína ou en Etiopía, ou no Sahara, as guerras seguen de moitos xeitos diferentes… Seguimos crendo na paz e na súa necesidade.