Polas redes sociais chegoume un vídeo que me chamou a atención como para velo -teño ‘implantada’ a autorestrición de vídeos-. Ó velo en Ribadeo, estaba pensando nas semellanzas do transporte rural e vilego por estrada -e por ferrocarril- na Mariña: moita máis densidade de poboación, pero ó final, problemas máis semellantes do que parece. O certo é que o vídeo é defensivo, con pouca información, con uso de figuras recoñecibles pero sen propostas alternativas (supoño que descoñecidas por eles, se existen) máis aló dunha defensa dun sistema que ten máis de defensivo que de resolutivo. Pero que, dentro do que cabe, funciona. Claro que cos cartos temos topado… e aí está o tema: recortes. Ou ó menos é así como o venden.
Ben, imos aló. O vídeo en si non é gran cousa, pero o sentemento pode selo.