Está a piques de rematar a liga. Hai un par de semanas fixera varios resumes sobre goles e puntuación do Ribadeo F.C. (1, 2, 3) animando a que dende o club (ou un aficionado, que saberá máis ca min) se fixera de xeito sistemático. Como polo momento non colleu ninguén o testigo, e para non botar ó lixo a táboa que xa teño, engadínlle os datos correspondentes as dúas pasadas xornadas ligueiras e unha táboa máis, e estes son os resultados despois da xornada 36, na que o Ribadeo F.C. está no 6º posto da táboa de clasificación, a só tres puntos da UD Paiosaco pero lonxe do Noia CF, cos seus 78 puntos:
Na primeira gráfica, a evolución de partidos ganados, empatados e perdidos, xornada a xornada, onde se ve como pouco a pouco a cor amarela (partidos perdidos) vai deixando paso á cor azul (partidos ganados)
A evolución da puntuación xunto coa proxección de puntuación na xornada 39.
O balance de goles, a favor e en contra, onde se ve que a liña amarela está no máis alto da tempada, amosando a maior diferencia a favor do clube na liga 2016/17.
Os goles por partido expresan o mesmo que a gráfica anterior, pero de xeito diferente, tinguíndose de azul a medida que pasa a liga.
Deixo de novo a ligazón á páxina do club: https://www.ribadeofc.com/
