De resaca

Hoxe as novas son da resaca do fin de ano. Parece que en Ribadeo non houbo nada grave que reseñar, nin nada anormal: segue sendo normal o horario dos fins de ano. O coche que ardeu fronte ó Gamallo Fierros, unha excepción da normalidade, pero nada máis. E a petición para o alongamento do prazo para manter a subvención de derribo da chabola dos xitanos, algo esperado despois de non conseguir un piso polo percio marcado: outra partida que se trata de que polo menos quede en táboas en troques de perdela.
Coido que máis interesante en xeral (excepto para os afectados en ambos casos citados) é voltar sobre outros dos temas que quedaron no tinteiro a finais do 2008. Por exemplo, o plan Sectorial de Solo Residencial. E iso é o que escaneei para meter aquí, os folletos do plan. Algo que non comprendo ocmo non ten feito xa o Concello na súa web, en troques de quedar só unha comunicación de alegacións do alcalde. Mesmo tampouco se comprende moi ben como non se deu máis difusión, entre outras, á páxina http://igvs.xunta.es/ipecos-opencms-portlet/export/sites/default/PortalVivenda/Biblioteca/Anexo_III.1.17_Caracterizacixn_AF_Ribadeo.pdf, onde están os textos ‘oficiais’ que concernen a Ribadeo… sen os planos. Porque nesta outra páxina, na que entendo que deberan estar os planos, dame que non teño permiso para entrar… ó mellor a vos si.