{"id":6898,"date":"2014-04-03T08:00:00","date_gmt":"2014-04-03T06:00:00","guid":{"rendered":""},"modified":"2024-11-12T14:12:08","modified_gmt":"2024-11-12T13:12:08","slug":"pamies","status":"publish","type":"post","link":"https:\/\/blogs.amarinha.gal\/ribadeando\/2014\/04\/03\/pamies\/","title":{"rendered":"P\u00e0mies"},"content":{"rendered":"

O s\u00e1bado pasou por Ribadeo, de xira, Josep P\u00e0mies<\/a>. Foi o grupo de consumo As Grelas<\/a> quen fixo posible e a quen hai que agradecer que se achegara a un cine-teatro cheo e con xente en cadeiras pregables. Antes, estivera en Lugo e despois coido que \u00eda a Pontevedra. A charla comezou \u00e1s 12 da ma\u00f1\u00e1 e rematou cami\u00f1o das tres da tarde. Foi pois longa.<\/p>\n

<\/a><\/p>\n

Despois da presentaci\u00f3n por Elia Rodr\u00edguez, comezou falando de xeralidades sobre a pol\u00edtica comercial e maldades das grandes empresas de alimentaci\u00f3n e farmac\u00e9uticas durante un tempo abondoso, pasou logo \u00e1 importancia do consumo de determinados minerais e dunha vida s\u00e1, e rematou falando de varias variedades de plantas (Estevia<\/a>, Mexac\u00e1n -‘diente de le\u00f3n’-<\/a>, Epilobium parviflorum<\/a>, …) para abrir logo unha rolda de preguntas tam\u00e9n longa. Non falou, nembargantes, dun produto como a mel, non vexetal que considero en certo xeito competencia da estevia<\/a> que da orixe \u00e1 ‘Doce revoluci\u00f3n’, e si varias veces do di\u00f3xido de cloro como MMS<\/a>. Das plantas, deu a co\u00f1ecer o seu uso m\u00e1is que aprender a distinguilas, e coido que a s\u00faa visita en xeral aproveitou. <\/p>\n

Polo medio da charla, citou varios libros convintes \u00f3 tema, e pouco despois de rematala, xa algu\u00e9n do grupo de consumo ti\u00f1a colgado o enderezo para descarregar un<\/a>.<\/p>\n

Polas s\u00faas propias verbas, cunha empresa con vinte empregados con dificultades hai pouco, resultoume algo entre un ap\u00f3stolo plantil por vocaci\u00f3n e un calculador embaucador por devoci\u00f3n, en particular a partir da rolda de preguntas, na que repartiu consellos cort\u00e1ndose poucas veces cun ‘non son m\u00e9dico’.<\/p>\n

Deixo embaixo un pequeno apunte coa mesa con el e Elia no medio do escenario do teatro preparado para a obra da tarde. <\/p>\n

<\/a><\/p>\n

Engadido posterior:<\/p>\n

http:\/\/asgrelas.odiseus.org\/<\/a> (resume da organizaci\u00f3n) <\/p>\n

v\u00eddeo<\/a>:<\/p>\n