{"id":6272,"date":"2016-02-16T08:06:00","date_gmt":"2016-02-16T07:06:00","guid":{"rendered":""},"modified":"2024-11-12T13:51:53","modified_gmt":"2024-11-12T12:51:53","slug":"coneces-os-espazos-naturais-protexidos","status":"publish","type":"post","link":"https:\/\/blogs.amarinha.gal\/ribadeando\/2016\/02\/16\/coneces-os-espazos-naturais-protexidos\/","title":{"rendered":"Co\u00f1eces os espazos naturais protexidos de Ribadeo?"},"content":{"rendered":"

Est\u00e1 ben que se usen como atractivo tur\u00edstico, mentres non resulten danados. Pero para mantelos as\u00ed, os ribadenses necesitamos co\u00f1ecelos tam\u00e9n, para poder aprezalos n\u00f3s en primeiro lugar.<\/p>\n

O pasado d\u00eda 5 de febreiro foi o d\u00eda dos humedais, pero en xeral pouco deu que falar nunha terra onde te\u00f1en a s\u00faa importancia, e non s\u00f3 polo espazo que ocupan. Certo que coincide co que en estat\u00edsticas de temperaturas t\u00f3calle o d\u00eda m\u00e1is fr\u00edo do ano (que non deste), o que puido, xunto con ser d\u00eda de semana, restar atractivo a unha sa\u00edda polas zonas h\u00famidas do noso arredor, a pesar da s\u00faa lembranza por unha exposici\u00f3n sobre aves recollida poucos d\u00edas antes da biblioteca Viejo Pancho ou o mesmo d\u00eda nas redes sociais por xente como \u00d3scar Chao<\/a> ou Enrique Sampedro<\/a>, amantes de Ribadeo, a natureza, as aves<\/a>…<\/p>\n

Pero voltemos \u00f3 noso. Co\u00f1eces as zonas naturais protexidas de Ribadeo?<\/p>\n

Para comezar un recorrido por elas p\u00f3dese ver unha entrada do blog sobre zonas naturais protexidas<\/a> de hai dous anos, ou a web de espazos naturais de Ribadeo Turismo<\/a>, que comeza co humidal protexido da r\u00eda de Ribadeo<\/a>. A zona da r\u00eda de Ribadeo<\/a>, que aglutina humedal (5,63 km2<\/sup>), zona RAMSAR<\/a> (11,92 km2<\/sup> segundo algunhas informaci\u00f3ns, pero non todas) LIC<\/a> (do que na p\u00e1xina do concello especif\u00edcase que incl\u00fae a illa Pancha) e ZEPA<\/a>, parece que disp\u00f3n de protecci\u00f3n para a s\u00faa beleza, biodiversidade ou ecosistema en xeral. Desfrutamos dela, e por iso \u00e1s veces non nos decatamos que esa protecci\u00f3n necesita defensa, que se non, \u00e9 letra morta. E rem\u00edtome \u00e1s probas, dede os sucesivos impactos na zona de portos ata o ‘aproveitamento’ da illa Pancha, pasando pola variaci\u00f3n provocada das correntes na r\u00eda debido \u00e1 acci\u00f3n humana, a agresi\u00f3n extra que significan as altas velocidade que alcanzan motoras, motos acu\u00e1ticas ou esqu\u00eds e outras ‘actividades de ocio’, etc. E isto da protecci\u00f3n, a\u00ednda que se levan, adem\u00e1is, descubrindo restos diversos no fondo, que parece deberan sumarse para ter a\u00ednda m\u00e1is coidado do noso entorno pr\u00f3ximo.<\/p>\n

Poderiamos seguir coa reserva da biosfera<\/a>, 1 588,83 km2<\/sup> (quince veces a superficie do concello de Ribadeo) en catorce concellos entre Galicia e Asturias con preto de 33 000 habitantes (algo m\u00e1is de tres veces os de Ribadeo) vivindo no seu interior, ou con as outras figuras de protecci\u00f3n. Mais coido que \u00e9 mellor para todos o tomar conciencia delas, desfrutalas, valoraralas e a partir de a\u00ed, actuar se se ve necesario…<\/p>\n

… Por suposto, hai m\u00e1is zonas naturais que a\u00ednda que non est\u00e1n protexidas ser\u00eda cousa de mantelas. Oc\u00f3rreseme o Pozo Mouro<\/a> (ou aqu\u00ed<\/a>, entre outras entradas no blog) ou, relacionados coa historia no medio desa natureza, os m\u00fatliples castros (ver o libro de Jos\u00e9 M\u00aa Rodr\u00edguez editado por O Tes\u00f3n) ou o marco da Pena Verde<\/a> (ou aqu\u00ed<\/a>). Ou poder\u00eda aproveitarse para comezar con alg\u00fan paseo nas rutas<\/a> previstas da costa, da r\u00eda ou Ribadeo-Remourelle.<\/p>\n\n\n\n\n
<\/a><\/td>\n<\/tr>\n
As parroquias de Ribadeo. Obtido de http:\/\/ribadeo.gal\/imxd\/arbore_web\/doc\/1225801618mapa_parroquias.pdf<\/a><\/td>\n<\/tr>\n<\/tbody>\n<\/table>\n

Algunha ligaz\u00f3n subministrada polo concello na s\u00faa web:<\/p>\n