{"id":5746,"date":"2017-08-31T22:43:00","date_gmt":"2017-08-31T20:43:00","guid":{"rendered":""},"modified":"2024-11-12T13:34:50","modified_gmt":"2024-11-12T12:34:50","slug":"o-defensor-del-pueblo-apoia-de-novo-ao","status":"publish","type":"post","link":"https:\/\/blogs.amarinha.gal\/ribadeando\/2017\/08\/31\/o-defensor-del-pueblo-apoia-de-novo-ao\/","title":{"rendered":"O DEFENSOR DEL PUEBLO APOIA DE NOVO AO COLECTIVO POR NUESTRO FARO"},"content":{"rendered":"

<\/a><\/p>\n

A mediados de xullo de 2016 o colectivo \u201cPor Nuestro Faro\u201d, asesorado, sen ocultalo, pola Sociedade Espa\u00f1ola de Ornitolox\u00eda remitiu a primeira denuncia ao Defensor del Pueblo sobre irregularidades na tramitaci\u00f3n do expediente de concesi\u00f3n e licencia de obra para o proxecto de Hotel no faro da Illa Pancha. O 16 de febrero de 2017, cando as obras xa estaban moi avanzadas, o Defensor emitiu o seu primeiro informe d\u00e1ndonos a raz\u00f3n sobre a falla de Estudo de Impacto na Rede Natura 2000 e sobre o desdoblamento irregular dos proxectos para hotel e cafetar\u00eda e mesmo suxerindo a paralizaci\u00f3n das obras. Este primeiro informe iba dirixido fundamentalmente a Autoridade Portuar\u00eda e coll\u00eda de cheo ao concello de Ribadeo por desdoblar o expediente e conceder a licencia e \u00e1 Xunta de Galicia polas suas competencias en medio ambiente. Neng\u00fan destes organismos se deu por aludido, apoiandose uns nos outros e dando largas ata que se remataron as obras. A mediados me maio a Autoridade Portuaria ainda non dera resposta ao informe do 16 de febrero.<\/p>\n

A informaci\u00f3n que temos agora \u00e9 a seguinte: Dende o d\u00eda 22 de Agosto est\u00e1 pendurada na p\u00e1xina web do Defensor del Pueblo a sua resposta ao informe dos servizos xur\u00eddicos da Autoridade Portuaria<\/a>, no que se manifestaba sobre o primeiro documento emitido pola oficina do Defensor o 16 de febreiro de 2017. Para acceder a esta p\u00e1xina hai que dispor dunha clave espec\u00edfica, pero remitimos o documento \u00edntegro aos medios de comunicaci\u00f3n e public\u00e1molo na nosa p\u00e1xina de facebook.
\nA oficina do Defensor remitiu este novo informe \u00e1 Autoridade Portuaria, Xunta de Galicia, Concello de Ribadeo e ao noso colectivo. Despois de nove d\u00edas de pacente agarda a ver se algu\u00e9n piaba, neng\u00fan dos organismos aludidos deu sinais de vida, polo tanto temos que ser nos, mais unha vez, os que p\u00f3\u00f1amos a informaci\u00f3n a dispor do vecindario. Est\u00e1n desculpados, comprendemos perfectamente que hai outras prioridades, concertos, festas, enchentes, etc.<\/p>\n

De xeito moi resumido temos que suli\u00f1ar que o Defensor volve darnos a raz\u00f3n de pe a pa en canto a que no expediente falta o informe preceptivo de afecci\u00f3n \u00e1 Rede Natura 2000, requisito imprescindible para tramitar a concesi\u00f3n e dar a licencia de obra. O Defensor reitera a sua argumentaci\u00f3n xur\u00eddica anterior e desmonta a parafernalia de disculpas tontas da Autoridade Portuaria que segue insistindo en que as obras se limitan \u00e1 reforma interior do antigo faro versus non hai afecci\u00f3n a Rede Natura 2000, nen a pode haber. D\u00edxolo Xan, punto redondo.<\/p>\n

O certo e que as obras est\u00e1n rebasando amplamente a suposta \u201creforma interior\u201dpara a que foi xestionada a concesi\u00f3n e concedida a licencia municipal, como puido comprobar nas \u00faltimas semanas todo aquel que te\u00f1a ollos na cara ou consulte os medios,anque cecais a divulgaci\u00f3n non foi excesiva. Muretes, excavacions, barandillas, etc, non son inventos nosos, est\u00e1n \u00e1 vista do p\u00fablico, as\u00ed como visitas, festas ou posibeis actividades por fora do edificio. Pero Puertos non toma nota das nosas denuncias e o Concello de Ribadeo so atende ao que diga Puertos, polo tanto, como o papel terma polo que lle boten, aqu\u00ed non hai mais que falar da suposta reforma interior.<\/p>\n

Pero o ultimo informe do Defensor vai moito mais al\u00e1. Describe con pelos e sinais as normas que esixen unha avaliaci\u00f3n dos impactos futuros da actividade tur\u00edstica, a presencia human, o sistema de eliminaci\u00f3n de residuos, as actividades propias do uso hosteleiro, as entradas e sa\u00eddas de automoveis, etc. A omisi\u00f3n reiterada desta avaliaci\u00f3n por parte da Autoridade Portuaria e tan palmaria como o a calada do concello de Ribadeo que ainda non sabemos para que se presentou como parte interesada no expediente do Defensor, despois de calificalo de incompetente.<\/p>\n

En resumen outra pescozada a este nefando proxecto e outra confirmaci\u00f3n irrebatibel das denuncias do colectivo Por Nuestro Faro que seguir\u00e1 prantexando a riola de irregularidades que ainda est\u00e1n sen analizar, como son a concesi\u00f3n por via directa de 500 metros cadrados no canto dos 4300 que ten a illa ou a falla dunha memoria de sostibilidade econ\u00f3mica que exixen as leis vixentes.<\/p>\n

Evaristo Lombardero Rico, \u201cColectivo Por Nuestro Faro\u201d<\/p>\n

E aqu\u00ed, o escrito do Defensor del Pueblo:<\/p>\n<\/p>\n

<\/a><\/p>\n

<\/a><\/p>\n

<\/a><\/p>\n

<\/a><\/p>\n

<\/a><\/p>\n

<\/a><\/p>\n

<\/a><\/p>\n

Directamente en Issu:<\/p>\n