{"id":5201,"date":"2019-12-29T13:40:00","date_gmt":"2019-12-29T12:40:00","guid":{"rendered":""},"modified":"2024-11-12T13:17:28","modified_gmt":"2024-11-12T12:17:28","slug":"aqui-como-en-viena-2019","status":"publish","type":"post","link":"https:\/\/blogs.amarinha.gal\/ribadeando\/2019\/12\/29\/aqui-como-en-viena-2019\/","title":{"rendered":"Aqu\u00ed como en Viena 2019"},"content":{"rendered":"

Ribadeo, 28 de decembro de 2019. Non \u00e9 unha inocentada. \u00c9 o concerto da Banda Municipal de M\u00fasica de Ribadeo<\/a>, da nosa banda. Con algunha inocentada polo medio, si, como cando a presentadora sae a dicir -despois dun estrondo no interior- que o concerto se suspend\u00eda por unha ca\u00edda do director nas escaleiras do interior do escenario.<\/p>\n

Unha cita cl\u00e1sica en Ribadeo, tradici\u00f3n de Nadal e base social, cun auditorio Hern\u00e1n Naval<\/a> a tope e \u00f3 tempo, un ambiente entra\u00f1able, familiar, con risas no entramado como corresponde \u00f3 28 de decembro, mais tam\u00e9n con ballet como representaci\u00f3n viva nalgunhas pezas, e a ledicia da m\u00fasica, en todas.<\/p>\n

O concerto, con d\u00faas partes, como xa \u00e9 cl\u00e1sico. Unha primeira, innovadora, e unha segunda, tradicional. M\u00e1is un extra, neste caso, No belo Danubio Azul<\/em>, e un remate, como mandan as edici\u00f3ns pasadas de Aqu\u00ed como en Viena<\/em> dende o primeiro as\u00ed chamado o 26 de decembro de 1993, a Marcha Radetzky<\/em>.<\/p>\n

As obras da primeira parte, todas en primeira interpretaci\u00f3n pola banda, estiveron dominadas pola mistura de \u00e9pocas e lugares. As\u00ed, sucede por exemplo, no Bolero de No\u00ebl, mistura o Bolero de Ravel co t\u00edpico canto de Nadal, con resultados sorprendentes, o mesmo que ocorre coas outras pezas.<\/p>\n

Pero para min, a segunda parte, cl\u00e1sica, tivo un significado especial a causa da Marcha militr n\u00ba 1, opus 51 de Franz Schubert. E \u00e9 que o 31 de xaneiro de 1992, o d\u00eda da presentaci\u00f3n da banda, na igrexa parroquial de Ribadeo, era a obra que abr\u00eda o programa. \u00c9 dicir, a primeira obra que interpretou a formaci\u00f3n en concerto. Supo\u00f1o que non ser\u00eda o \u00fanico en emocionarme. Non s\u00f3 porque hab\u00eda no auditorio m\u00e1is dun m\u00fasico participante naquela primeira actuaci\u00f3n, sen\u00f3n pola interpretaci\u00f3n escoitada.<\/p>\n

<\/a><\/p>\n

<\/a><\/p>\n

<\/a><\/p>\n

V\u00eddeo do Amencer de As\u00ed falou Zarathustra: <\/p>\n