Dunha parte, A Ponte \u00e9 un centro mariano de relevo, con moitos devotos e romeiros. Doutra, a Nosa Se\u00f1ora \u00e9 tam\u00e9n un templo de innegable interese art\u00edstico polas s\u00faas pinturas murais. A Ponte \u00e9 un lugar sinalado no Cami\u00f1o Norte de Santiago, onde exist\u00edu un hospital para pobres e peregrinos baixo a advocaci\u00f3n de S. Andr\u00e9s. A\u00ednda m\u00e1is, A Ponte \u00e9 Historia. Aqu\u00ed, en 1809, veci\u00f1os de sete parroquias de Ribadeo e Trabada, capitaneadas polo fidalgo de Sante, don Melchor D\u00edaz de la Rocha, venceron as tropas de Napole\u00f3n na Guerra da Independencia.<\/p>\n
Neste artigo non vou escribir de todo elo, levar\u00edame moitas p\u00e1xinas; si da pintura mural do naufraxio.<\/p>\n
Cr\u00edticos de arte suli\u00f1an a importancia destas pinturas por ser \u201cmoi escasas\u201d nesta \u00e9poca, pinturas murais con temas do mar, que s\u00f3 aparec\u00edan en t\u00e1boas (cadros) ata chegar a afirmar que son \u00fanicas.<\/p>\n
Un dato que nos da idea da importancia desta pintura \u00e9 que o Consello da Cultura Galega organizou GALICIA CEN, exposici\u00f3n que recolle os cen obxectos curiosos da historia de Galicia, que percorreu Santiago de Compostela, A Coru\u00f1a e Vigo a finais de 2016 e primeiros de 2017, e entre os cen seleccionados estaba esta pintura da Ponte.<\/p>\n
No muro sur: destacamos a pintura que fai alusi\u00f3n ao mar, un naufraxio, era un exvoto.<\/p>\n
O termo exvoto procede da expresi\u00f3n latina \u201cex voto\u201d, ref\u00edrese a unha ofrenda feita a un ser divino para cumprir co prometido por conceder o que se pedira, \u00e9 dicir, como resultado dunha promesa e dun favor recibido.<\/p>\n
O exvoto ten as seguintes notas diferenciadoras:<\/p>\n
– Publicidade: debe ser p\u00fablico, ou sexa, dar a co\u00f1ecer o favor recibido. Debe ser exposto en altares, paredes de ermidas e santuarios, para que t\u00f3dolos devotos poidan reco\u00f1ecer as actuaci\u00f3ns milagreiras.<\/p>\n
– Relaci\u00f3n; o exvoto ten unha relaci\u00f3n coa persoa que recib\u00edu o favor e o suceso que o motiva. As\u00ed, o exvoto describe o feito milagroso e os datos personais do beneficiario.<\/p>\n
– Permanencia: \u00e9 dicir, pret\u00e9ndese dar a co\u00f1ecer de maneira perpetua o poder sobrenatural dunha determinada imaxe.<\/p>\n
O exvoto p\u00edntase, unha vez que se cumpl\u00edu o favor, para expresar o agradecemento a entidade sagrada que se considera que intercedeu para resolver un problema e permit\u00edu un final feliz, pero tam\u00e9n para recordar o suceso.<\/p>\n
Esta pintura mural pode ser entendida como un milagre. Tr\u00e1tase dunha pintura produto do agradecemento do capit\u00e1n de infanter\u00eda don Domingo de Carranza y Aguiar que milagrosamente se salvou nun naufraxio pola intercesi\u00f3n da Virxe. Na inscrici\u00f3n inferior das pinturas podemos ler:<\/p>\n
\u201dDomingo de Carranza e Aguiar, capit\u00e1n de infanter\u00eda espa\u00f1ola (…) estivo nesta igrexia de Nosa Se\u00f1ora das Virtudes no ano 1594. No mesmo ano embarcou para as Indias nunha nave (…) Catalina (…) por Capit\u00e1n ao ano seguinte de 1595 en cavo de San Ant\u00f3n (…) e deulle unha tan recia tormenta de furac\u00e1n e Norte que part\u00edu as d\u00faas \u00e1rbores, o maior (…) e (trinquete) o (…) a nave coas belas bac\u00edas (…) caeu ao mar e vendose en tan grande peligro de norte encomendouse \u00e1 Virxe Santa e despois milagrosamente estando afundidos veu (bo) tempo e o mar en bonanza e sal\u00eda a nave d\u00edas despois do treb\u00f3n andivo m\u00e1is de duascentas sesenta leguas asta (…) estimaba que era cousa imposible de poder (…) catro (…) que se non fose milagre tan (…) daquela cidade foi manifesto a todos e sairon en procesi\u00f3n co Sant\u00edsimo Sacramento (…) Don Gonzalo de Amoeiro e Candia, chantre e Coengo (…) de Mondo\u00f1edo (…) a nao un vestido de carmes\u00ed, unha l\u00e1mpara de prata e unha arroba de aceite a Nosa Se\u00f1ora (…) en loubanza e grer\u00eda de deus e da sua Sant\u00edsima Nai. Santa Mar\u00eda das Virtudes. Ano Domini 1606.<\/p>\n
Foto. Ano 2005<\/p>\n A pintura tr\u00e1tase do agradecemento do capit\u00e1n de infanter\u00eda Don Domingo de Carranza y Aguiar que milagrosamente se salvou nun naufraxio pola intervenci\u00f3n da Virxe.<\/p>\n O capit\u00e1n de infanter\u00eda visitou o templo en 1594 antes de embarcar para as Indias, onde sufr\u00edu un naufraxio fronte ao cabo de S. Antonio ao ano seguinte.<\/p>\n Cando un furac\u00e1n desarborou o seu nav\u00edo e o afund\u00edu, encomendouse \u00e1 Virxe das Virtudes. O treb\u00f3n deu paso \u00e1 bonanza e, malia os estragos sufridos, a nave percorreu m\u00e1is de duascentas sesenta leguas ata chegar \u00e1 terra. Abraiados, os veci\u00f1os do lugar fixeron unha procesi\u00f3n para manifestar a s\u00faa convicci\u00f3n do car\u00e1cter milagreiro do salvamento.<\/p>\n De retorno a Arante, en agradecemento, o capit\u00e1n fixo entrega ao santuario dun vestido de carmes\u00ed para a imaxe, una l\u00e1mpada de prata e unha arroba de aceite para que iluminara a capela. O chantre de Mondo\u00f1edo, Gonzalo de Amoeiro e Candia, mandou pintar en 1606 a escena.<\/p>\n Segundo o amigo e historiador focense Xo\u00e1n Ram\u00f3n Fern\u00e1ndez Pacios, no Arquivo Xeral de Indias hai un documento de 1605 referente a este capit\u00e1n de infanter\u00eda, que levaba servindo ao rei Filipe II dezaoito anos nos gale\u00f3ns da Armada. Nos anos 1598 e 99 destaca na defensa do porto de Acajutla (O Salvador) contra os corsarios ingleses. Todo este valor e servicio ser\u00e1 compensado co cargo de Alcalde Maior das Minas de Guautla (M\u00e9xico) en 1605.<\/p>\n Analizamos a escena onde un gran exvoto relata o suceso do milagre da Virxe da Ponte. D\u00faas ciudades, unha fortificada e unha amurallada, fanse presentes nesta pintura, unha para despedir unha carabela e outra para recibir os seus despoxos.<\/p>\n A pintura recolle, na parte esquerda, o momento no que o barco, co estandarte de Mar\u00eda nunha das velas, est\u00e1 sendo destrozada pola forte tempestade. Noutro lado a carabela \u2013 na que milagrosamente foron salvados \u2013 \u00e9 conducida \u00e1 cidade onde partiran, sendo recibidos por un grupo de persoas, onde un home axeonllado \u2013 o oferente \u2013 en primeira fila, acomp\u00e1\u00f1ase dun sacerdote que, cun libro aberto na s\u00faa man esquerda e bendecindo coa dereita; ten ao seu lado un neno que porta nas s\u00faas mans unha cruz. Detr\u00e1s disponse toda una serie de persoaxes que celebran a chegada dos mari\u00f1eiros. Nunha segunda fila un grupo de mulleres e ao fondo a cidade, f\u00e1lanos dunha composici\u00f3n con efectos de perspectiva.<\/p>\n Foto. Ano 2017. As pinturas v\u00edronse afectadas pola humidade e falta de ventilaci\u00f3n.<\/p>\n Foto. Xu\u00f1o de 2019. Comezan os traballos de restauraci\u00f3n.<\/p>\n![](\"https:\/\/blogger.googleusercontent.com\/img\/b\/R29vZ2xl\/AVvXsEjBzEf3cZdcMKPk5T63tvSlnQKNXej5cSUSN8anhifxHNnOJ0fu6tkUo-GPCPrRq30M9B85xZfZLaEyHLU1hbxqJ_e9zQBEr8QvMsznjW6HjtCjEOIdQMSkLLRjT0WUgSUEuls9xw\/s2048\/Mural+en+A+Ponte.jpg\")
<\/a><\/p>\n<\/a><\/p>\n<\/a><\/p>\n