Collo a referencia do estribillo do ‘viño que bebe Asunción’ para chamar a atención sobre a auga de Ribadeo. Non é a primeira vez que me refiro a ela. Hoxe, a conta de varias referencias á auga, parolando con outra xente sobre como saía da billa onte, lembreime dun folleto que editou hai pouco a Casa das Ciencias, ‘Auga e cidade’ (en castelán ou inglés).
O certo é que non estou moi de acordo con el. Está patrocinado por emalcsa, a empresa municipal de augas da Coruña, propiedade do concello, pero que non deixa de ser unha empresa con criterios non exactamente sociais, o que leva a que, por exemplo, haxa no folleto un apartado que explica por que a auga é tan cara. Hai máis exemplos que levan a inducir que non é o beneficio social ou a información pública o punto de mira da entidade, pero aínda así, presenta algunhas cousas abondo claras, para ir aproximándonos á realidade da auga da billa. E, en particular, á auga da billa en Ribadeo, coa súa turbidez, o seu sabor ou a súa química alisadora da pel.
Porque, visto o sucedido na última entrevista na que se tratou o tema entre alcaldía e representantes da mesa de Asociacións de veciños, seguiremos a falar da auga da billa en Ribadeo.
—
No blog: