Primeiro sábado de mes, unha nova concentración arredor das pensións en Ribadeo. Coma sempre, convocada por MODEPEN a Mariña en demanda de pensións e servizos públicos dignos.
Deixo en baixo un vídeo co groso das verbas de Evaristo Lombardero, e, a máis da miña foto (momentos antes de comezar, arriba), outras de Enrique Fernández Rivas. Como comentario a maiores, as trinta persoas alí presentes escoitamos algo que na prensa non é moi doado atopar: que o recente informe da AIREF avala o sistema de pensións actual, se ben indica algunha mellora.
Fallou o sistema de megafonía ó comezo, polo que descarto o poñer a primeira parte, que case foi repetida despois, quizais a falta dunha expresión que empregou Evaristo a primeira vez e non a segunda, cualificando o informe da AIREF como paso histórico como documento de estudo en favor do que se mantén nestas concentracións. O próximo mes, máis.
