Deputación Lucense: embustes publicitados
É necesario un cambio de ciclo. O problema non é ideolóxico. O problema ten un triángulo con tres vértices: Orgullo-despotismo-ignorancia. Pero que importa, se para ser membro dunha corporación política non se examina a ninguén, nin se verifica mediante a auditoría final do mandato que fixo cada un ou cada quen. Calquera pode dicir, presumir, asegurar ou mostrar carné, todo para xustificar onde importa que un pertence a esta ou a outra militancia política nas coordenadas clásicas caducas entre a dereita conservadora e a esquerda progresista. Estamos ante un sofisma que se disolvería como un terrón de azucre se sometemos ao pibe ou á chamaca nunha tertulia ou exame á análise científica e cultural do coñecemento que obxectiva tal pretensión de ser ou de estar.
Na Euskadi que padecín e onde case me asasinaron varias veces, todos os nacionalistas eran progresistas; e todos os constitucionalistas eramos do PP-conservadores-inimigos do pobo vasco. Amén.
Algúns deben ter moito medo á verdade da xente. E así sacan a botafumeiro aos medios escritos. Notaches que levamos varios meses sufrindo páxinas enteiras de autoexageración promovida polo Goberno da Deputación de Lugo? Pero, dúas preguntas inocentes. Canto custan e de onde saen os cartos para pagar tal ataque de narcisismo? Chama a atención que a oposición aos mandaríns non lle faga gran cousa. A ver se vai ser certo o que me dixo un xefe dun partido político de Cervo algún día. “Máis vale que non nos metamos cos que mandan, porque despois imos necesitar nós quen nos axude.” ¡Colle castaña!
Pero por alusións.
1. Na propaganda dos cartos concedidos “xenerosamente” ao Concello de Cervo inclúen a Asociación Cultural “OS AVENTADOS”. Non hai tal. Ademais, foi con resentimento. Nalgunha ocasión concedeunos unha cantidade pero despois fíxose todo o posible e o imposible para que non puidésemos cobrala. É máis, cando vin o manexo que se traía dende a Concellería de Cultura á Intervención, solicitei varias veces instrucións para adaptar as facturas ao seu criterio. Cada vez contábanme unha película diferente. Canseime de tantas viaxes a Lugo e á función pública no Pazo situado en San Marcos e pedín entrevistas á Deputada de Cultura e á Intervención. Aínda estou esperando unha resposta.
2. Gustaríame saber se cos cartos non entregados a asociacións culturais como Os Aventados organizaron outros eventos ou desviaron os devanditos fondos para outros fins.
3. A metodoloxía imposta polos convocantes das subvencións á cultura é de tal complexidade que moitos renunciamos a pedir calquera cousa xa que entre o chiste das facturas e o máster que hai que facer para chegar ao coñecemento en liña do proceso en Contacto coa Deputación de Lugo, declarámonos insubmisos e en dereito a facer campaña contra estes mandaríns pailáns vestidos de domingo mellor con asento quente no antigo Hospital e despois Instituto da Cidade de Murallas. Pero por favor. Non nos insulten cos seus embustes publicitarios.