Onte foi 17 de novembro. Estaba convocada unha folga xeral na Mariña, en en Ribadeo pouca foi a actividade que se mantivo. Algún posto no mercado, que era mércores, e iso, despois de pasar os piquetes informativos -si, informativos-, algún establecemento hostaleiro que abriu pola tarde… Coido que, no sentido de participación, pode dicirse que a folga en Ribadeo, foi un éxito. No sentido de resultados… iso xa é fariña doutro costal e podemos discutilo máis a fondo, coa ‘estratexia’ para facer a Mariña máis… Industrializada? Rica? Con maior nivel de vida? Mellor lugar para vivir? Pois iso, outro día.
O éxito citado mesmo se enfrontou á manifestación contra o abuso bancario, que esta segunda semana, despois da primeira diante da oficina do Santander, tivo lugar diante de Abanca. Ás 12:30 os concentrados manifestáronse neste día de folga, o que non impediu de fixeran o que tiñan previsto facer, como da fe a foto de Suso Fernández.
